منتدى تحدى الشباب العربى
منتدى تحدى الشباب يرحب بكم
اهلا بك زائرنا العزير ونرحب بكم للتسجيل بالمنتدى

يلا انت لسة هتفكر سجل بسرعة


منتدى تحدى الشباب العربى

منتدى كل العرب

 
الرئيسيةالبوابةاليوميةس .و .جالتسجيلدخول

شاطر | 
 

 قصيده جحا ..للشاعر هشام الجخ

اذهب الى الأسفل 
كاتب الموضوعرسالة
samar

avatar

الابراج : الجدي
عدد المساهمات : 1457
نقاط : 2343
السٌّمعَة : 1
تاريخ التسجيل : 19/02/2010
العمر : 27

مُساهمةموضوع: قصيده جحا ..للشاعر هشام الجخ    الخميس مارس 03, 2011 6:32 pm

شعور سخيف
إنك تحس بإن وطنك شيء ضعيف
صوتك ضعيف
رأيك ضعيف

إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف

سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف

دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة

يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت

أنا اللى صاحب البيت
عايش بدون لازمة
ولما مرة شكيت
إدونى بالجزمة

أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف

كرامتنا متهانة
واللقمة بإهانة
بتخلفينا ليه لما انتى كارهانا

يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع

لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش

يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى

يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته

أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه


علا صوت أدانك جرس
فى الشدة صاحينلك
من امتى كانوا الحرس
هما اللى باقينلك

بعتينى علشانهم
وعنيكى معصوبة
ياهلترى خاينة
ولا زيى مغصوبة



علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام

مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق

الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة

يعنى لما اعرق تكافئيى بعدالة
الحب حالة
الحب مش شعر وقوالة

الحب حاجة ما تتوجدش فى وسط ناس
بتجيب غداها من صناديق الزبالة

بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع
زنا لهم خفا
جاءوا بموكبهم
واشتغلت الزفة

الدفة مظبوطة
وأصلا مافيش دفة
والكفة مش مايلة
علشان مافيش كفة

و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى

الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك

احنا اهلك
احنا رجالتك
أمانك
إحنا وقت الشدة سندك
إحنا زادك

يا جحا احمى ولادك
لو كنت عايز تحمى طينك
ارحل


_________________


الرجوع الى أعلى الصفحة اذهب الى الأسفل
alaa
Admin
avatar

الابراج : الجدي
عدد المساهمات : 2358
نقاط : 2984
السٌّمعَة : 6
تاريخ التسجيل : 15/02/2010
العمر : 31

مُساهمةموضوع: رد: قصيده جحا ..للشاعر هشام الجخ    الخميس مارس 03, 2011 7:13 pm

تسلم ايدك ياسموره

فعلا دا امير الشعراء الجديد

_________________




الرجوع الى أعلى الصفحة اذهب الى الأسفل
http://amir5.3arabiyate.net
elsakr

avatar

الابراج : الجدي
عدد المساهمات : 2539
نقاط : 3175
السٌّمعَة : 1
تاريخ التسجيل : 16/02/2010
العمر : 24
الموقع : ساكن في قلب وحده

مُساهمةموضوع: رد: قصيده جحا ..للشاعر هشام الجخ    الجمعة مارس 04, 2011 11:45 am

والله الراجل ده عسل
يسلمو
بموووووت فيه

_________________



الرجوع الى أعلى الصفحة اذهب الى الأسفل
hedaya

avatar

الابراج : الثور
عدد المساهمات : 557
نقاط : 701
السٌّمعَة : 1
تاريخ التسجيل : 01/12/2010
العمر : 23
الموقع : فى الدنيا

مُساهمةموضوع: رد: قصيده جحا ..للشاعر هشام الجخ    الجمعة مارس 04, 2011 4:49 pm

ونا بحبها موووووووووووووووووت
وبحبو جدا
والقصيده فوق الخرافة
ثانكس يا سمورة
الرجوع الى أعلى الصفحة اذهب الى الأسفل
شهد

avatar

الابراج : العذراء
عدد المساهمات : 988
نقاط : 1000
السٌّمعَة : 1
تاريخ التسجيل : 08/09/2010
العمر : 23
الموقع : kfs

مُساهمةموضوع: رد: قصيده جحا ..للشاعر هشام الجخ    الثلاثاء مايو 24, 2011 8:49 pm

جميلة جدااااااااااااا
تسلم ايدك
الرجوع الى أعلى الصفحة اذهب الى الأسفل
el3tfy love

avatar

الابراج : الميزان
عدد المساهمات : 2455
نقاط : 2865
السٌّمعَة : 0
تاريخ التسجيل : 16/02/2010
العمر : 26

مُساهمةموضوع: رد: قصيده جحا ..للشاعر هشام الجخ    الأحد يوليو 10, 2011 10:27 pm

روعه بجد يسلموووووووووووووووووو

_________________



الرجوع الى أعلى الصفحة اذهب الى الأسفل
احمد جميعى

avatar

الابراج : الميزان
عدد المساهمات : 1086
نقاط : 1134
السٌّمعَة : 0
تاريخ التسجيل : 05/06/2011
العمر : 21
الموقع : اسكندريه

مُساهمةموضوع: رد: قصيده جحا ..للشاعر هشام الجخ    السبت يوليو 16, 2011 9:24 pm

تسلم ايدك
الرجوع الى أعلى الصفحة اذهب الى الأسفل
 
قصيده جحا ..للشاعر هشام الجخ
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى تحدى الشباب العربى :: الركن الادبى والثقافى :: قسم الشعر والادب-
انتقل الى: